PNG Mining Minista imas harim tu wari blong pipol long Bismarck solwara

PNG Mining Minista imas harim tu wari blong pipol long Bismarck solwara

PNG Mining Minista imas harim tu wari blong pipol long Bismarck solwara

Postim 8 February 2018, 16:39 AEDT

Wanpla communiti lida na papa graon long New Ireland Province long Papua New Guinea itok em na ol narapla papa graon ino wanbel stret long toktok blong minista blong mining ibin mekim aste olsem ol wok minining aninit long ol solwara long Bismarck Sea bai go het iet maski sopos igat planti wari iwok long kamap.

Jonathan Mesulam i mekim despla toktok bihaen long Minister for Mining Johnson Tuke ibin tokaut ken olsem National gavman igat laik long larim Nautilus Minerals long mekim ol wok mining long ol solwara namel long New Ireland na East New Britain provinces.
 
Ol ripot ikam long PNG itok Mr Tuke ibin tokim wanpla miting wantem bosman blong Nautilus kampani long Mande olsem emi no wanbel wantem ol laen oa grup blong ol narapla kantri na PNG iet husat iwok long kempein agensim despla project.
 
Tasol Mr Mesulam itokim Radio Australia olsem gavman imas save long bikpla wari long graon long Bougainville, na despla inap kamap ken long hap blong ol.