Solomon Youth Soka na OFC Champions League

Solomon Youth Soka na OFC Champions League

Solomon Youth Soka na OFC Champions League

Postim 8 February 2018, 16:56 AEDT

Solomon Islands Football Federation em i wok long redim nau tupela national youth tim long pilai long ol World Cup Qualifiers long Oceania confederation.

OFC Under-19 bai pilai long August na ol Under-17 qualifiers bai long September.
 
President blong SIFF, William Lai i tok ol i selektim ol pleia blong tupela youth tim ia from ol nasinol championship we oli bin holim pinis long mun January.
 
Em i tok bai oli makim ol faenol squad bihaen long oli pinisim moa trening na seleksen proses.
 
Mr Lai i tok tu olsem Solomon Warrior club blong Solomon Islands i lukim Honiara tede long go pilai long OFC Champions League long Tahiti agensim ol  Dragon we i host club, Lossi blong New Caledonia na na Erakor Golden Star blong Vanuatu.
 
Em i tok SIFF i wok long redi tu long Marist FC i hostim Team Wellington blong New Zealand, Magenta blong New Caledonia na Lupe o le Soaga blong Samoa long Honiara stat long namba 24 long February.

Ol Het-tok: