West Papua Melanesian Spiahed grup

West Papua Melanesian Spiahed grup

West Papua Melanesian Spiahed grup

Updated 15 February 2018, 15:51 AEDT

Dispela muvmen blong West Papua long bruk lusim rul blong Indonesia em i fail gen long aplikesen blongen long kamap full memba blong Melanesian Spearhead Group.

Miting blong ol MSG lida long Port Moresby we Praim Minista Peter O'Neill i chairman longen i tok long oli mas putim dispela apliesen go bek long MSG Secretariat long Vanuatu long oli stretim pastaim sampela samting longen.

United Liberation Movement for West Papua we i makim ol pipol blong West Papua em i wanpela observer long MSG, na Indonesia em i wanpela associate memba blong MSG.

Indonesia gavman ino laikim West Papua i kamap memba blong MSG long wanem oli tok dispela bai interfere long internol afeas blong Indonesia.

Fred Mabrassar em i coordinator blong Free West Papua Campaign long Papua New Guinea, na long aste em i gopas long wanpela grup blong ol PNG mama we i laik go protest long ples ol MSG lida i bung longen - tasol ol polis i stopim ol.

Mr Mambrassar i tok oli laik go tokim ol MSG Lida olsem Melanesian Spearhead Group bai no complete igo inap West Papua i stap insait, na big ailan blong PNG em bai no complete without West Papua.