Grup A na B quarterfinalist long OFC Champions League

Grup A na B quarterfinalist long OFC Champions League

Grup A na B quarterfinalist long OFC Champions League

Updated 19 February 2018, 16:11 AEDT

Faenol risalt blong ol Group A na B long OFC Champions League kompetisan long wiken  we i bin gohet long Vanuatu na Tahiti stat long naba 10 long February i soim olsem Nalkutan FC blong Vanuatu na Lae City Dwellers blong Papua New Guinea i qialifae fo quata faenol from Group A.

Long Group B, AS Dragon blong Tahiti na Solomon Warriors club blong Solomon Islands i qualifae fo quata faenol.

Long Group A gems long Korman Stadium long Port Vila long Friday evning, Ba FC blong Fiji i givim Tupapa Maraerenga blong Cook Islands 4-1 long fest gem.
 
Den ol host club, Nalkutan i daunim Lae City Dwellers 4-1 tu.
 
Dispela i minim Nalkutan we i winim olgeta tripela gem blongen in top long Group A wantaim 9 points, Lae City Dwellers i gat 6 points, Ba i gat tripela point wantaim wanpela win blongen, na Tupela Maraerenga i nogat point.
 
Bikos em i top long grup blongen, Nalkutan bai hostim quata faenol match blongen.
 
Long Group  B we oli pilai long Pirae Stadium long Tahiti aste nait, we i Sarere taim blong Tahiti, AS Lossi blong New Caledonia na Erakor Golden Star blong Vanuatu ibin dro 2-2. 
 
Bihaen, Solomon Warriors i winim ol host, AS Dragon 2-1.
 
So long Group B, AS Dragon na Solomon Warriors igat 6 points each, tasol dragon i top long grup na bae em i hostim quarter faenol. 
 
Wantaim wanpela win blongen na wanpela dro, Erakor igat 4 pela point na AS Lossi igat wanpela point.
 
Lus blong Vanuatu champion club, Erakor Golden Star or tha fact that oli no qualifae long go long quata faenol i mekim Josiah Russel long risaen olsem President blong club.
 
Vanuatu Daily Post niuspepa i ripot olsem Mr Russel i anaunsim resignation blongen bihain long gem namel ol Solomon Warriors na AS Dragon long Papeete last nait.
 
Mr Russel em i ounim, Erakor Express wea em i biggest sponsor blong club.
 
OFC Champions League malolo long wanpela wik na bai stat gen wantaim ol Group D match long Lawson Tama Stadium long Honiara long dispela Sarere, na ol Group C bai pilai long Trusts Stadium in Auckland stat long Sande.