Caritas PNG i helpim ol pipal bihaenim bikpla guria

Caritas PNG i helpim ol pipal bihaenim bikpla guria

Caritas PNG i helpim ol pipal bihaenim bikpla guria

Updated 20 March 2018, 10:03 AEDT

Ol pipal blong Southern Highlands na Hela provinsas long Papua New Guinea nau iwok long kisim ol liklik halvim bihaenim bikpla guria ibin hamarim despla tupla ples tripla wik igo pinis.

Despla guria em strong blong en ibin kamap long 7.5 ibin kamapim planti graon bruk, na tu bagarapim ol gaden kaikai, wantem tu ol haus blong planti tausan pipal long Hela, Southern Highlands na tu long Western provins.

National gavman iwok long mekim ol woik blong bringim halvim igo long ol pipal husat ibin kisim heve, tasol sampla itok olsem ol despla halvim ino kamap iet long planti ol ples.

Ian Apei emi go pas long Caritas, wanpla han wok blong Katolik Sios long Mendi, biktaon blong Southern Highlands provins, na emi tokim Radio Australia olsem Caritas iwok bung wantem ol laen olsem United Nations, Interrnational organisation blong migration na ol narapla NGO grup long helpim ol pipal nau.
 

Ol Het-tok: