PNG Guria ino kamap long ol wok mining, Gas na Oil

PNG Guria ino kamap long ol wok mining, Gas na Oil

PNG Guria ino kamap long ol wok mining, Gas na Oil

Updated 20 March 2018, 14:09 AEDT

Despla toksave ikam long PNG Geophysical Observatory long Port Moresby.

Wanpla saveman oa seismologist itok emi laikim ol pipal long Highlands blong Papua New Guinea long save olsem ol wok divelopman olsem Mining, Oil na Gas ino bin kamapim 7.5 guria emi bin hamarim rijan tripla wik igo pinis.

Felix Taranu husat i wok wantem Geophysical Observatory long Port Moresby i mekim i despla toktok bihaenim ol tokwin na wari emi wok long kamap long Southern Highlands, Hela na Western provins olsem ol despla kaen wok divelopman ibin kamapim despla guria.

Despla tripla provins igat ol bikpla wok mining, olsem Western provins igat OK Tedi mining, Hela provins igat LNG Gas project na Southern Highlands tu igat Moran Oil Project na Hides Gas project.

Ol ripot itok olsem planti pipal iwok long poret iet na oli no laik go long ol gaden blong ol.

Mr taranu itok tu olsem, guria emi bin hamarim Highlands rijan long mun February ibin stap samting olsem tupla ten kilomita aninit tru long graon, taem ol wok mining isave stap samting olsem faipla kilomita tasol igo insaet long graon.


 

Ol Het-tok: