Wae England i laik kam bek strong long Pacific

Wae England i laik kam bek strong long Pacific

Wae England i laik kam bek strong long Pacific

Postim 23 April 2018, 16:23 AEST

Senior Lecturer long Politics na International Affairs long University long South Pacific long Fiji, i tok England em i nau laik strongim gen rilesens blongen wantaim Pacific long wanem oli wari long wok blong ol niupela lain i wok long kamap strong.

Dr Gordon Nanau mekim dispela toktok bigain UK gavman i tokaut long Commonwealth Heads of Government miting long London olsem em bai stat long strongim moa wok blongen long ol Commonwealth kantri wantaim long hia long Pacific tu. 
 
Dr Nanau i tok ol kantri olsem England wantaim Amerika ibin pasim oa daunim wok blong ol long Pacific bihain long pinis blong Cold War wantaim Russia.
 
Tasol em itok dispela i mekim ol niupela powerful pleia olsem China i kamap strong long rijin - na i mekim ol tradisinal partna kantri i wok long wari.