Ambae aelan evacuation plan bae go long Vanuatu praem minista

Ambae aelan evacuation plan bae go long Vanuatu praem minista

Ambae aelan evacuation plan bae go long Vanuatu praem minista

Updated 26 April 2018, 16:13 AEST

Vanuatu gavman hem gohed fo lukluk long sam graon long ol aelan blong Maewo, Pentecost, Malekula mo Santo we bae oli riloketim ol pipol blong Ambae aelan go long hem.

Vanuatu Council of Ministers ibin diklearem finis wan state of emergency long ful aelan blong Ambae wea 11,000 pipol i stap long hem, from we ashfall from Manaro Volcano hem spoelem ful aelan bigwan.
 
Asis blong Volcano i thick long graon, kavarem evri samting antap long graon, mekem graon igo hard, mekem had long mekem garden, asis hem kilim dae ol fruit tri, mo hem poisinim ol wota.
 
Internal Affairs Minister, Andrew Napuat hem se gavman hem gohet fo toktok wetem ol landona mo chiefs long ol Maewo, Pentecost, Malekula mo Santo we ibin mekem ofa long graon fo ol pipol blong Ambae bae go risetol long hem.
 
Mr Napuat hem se ol gavman agency mo cluster grups ibin gohet fo mekem evacuesen plan long wanwan eria blong ol, we bae oli givim go long gavman long tumora or eli neks wik.