Caritas i helpim Southern Highlands bihainim ol earthquake heve

Caritas i helpim Southern Highlands bihainim ol earthquake heve

Caritas i helpim Southern Highlands bihainim ol earthquake heve

Postim 26 April 2018, 16:30 AEST

Katolik sios aninit long aid laen blong en em oli kolim long Caritas long Mendi biktaon blong Southern Highlands provins long Papua New Guinea nau iwok long givim bikpla halvim long ol pipal bihaenim bikpla guria long mun February.

Oli tok sampla long ol despla samting emi karamapim wok blong givim ol treining igo long ol tisa long helpim ol skul pikinini ino ken poret na tu long mekim ol i hamamas na noken wari tumas.
 
caritas Australia na New Zealand iwok long helpim Caritas PNG long despla wok em oli mekim long Southern Highlands.
 
Narapla wok em blong helpim ol rice farmers long strongim ol wok blong ol long saed blong growim rice, na putim ol long ol bag na salim.
 
Southern Highlands i wanpla long ol provins long PNG emi bin kisim bikpla heve long despla 7.5 guria emi bin kamap long February namba 26.
 
Ian Apei husat i go pas long Caritas, long Mendi itokim Radio Australia olsem tede oli bin bringim wanpla rice machine igo long ol farmers long wanpla komiuniti long provins.