Solomon U-17 futsal tim bae go long 2018 Youth Olympics

Solomon U-17 futsal tim bae go long 2018 Youth Olympics

Solomon U-17 futsal tim bae go long 2018 Youth Olympics

Postim 24 May 2018, 13:52 AEST

Pipol blong Solomon Islands wea i laekem soka winim eni narafala sport, bae hapi tumas fo herem se Under 17 nasinol tim nao bae go reprisentim kantri long 2018 Youth Olympic Games long Argentina long October.

Kam kasen long yestede moning, President blong Solomon Islands Football Federation, William Lai wetem pipol long social media olketa bin talem aot wari sapos yang hockey tim blong olketa man nao bae go long youth olympics and ino olketa yang Kurukuru nasinol futsal tim.
 
Bat President blong National Olympic Committee, Martin Rara hem se NOCSI Justification Committee hem mit long yestede mid-day an disaed that olketa yang Kurukuru wea olketa i champion blong Oceania nao bae go long Buenos Aires 2018 Youth Olympic Games.
 
Hem se Youth Olympics komiti hem se wanfala kantri bae save sedem go wanfala tim sports nomoa long wanfala gender, so klia chois hem yang futsal tim wea hem qualifae finis long merit from olketa i champion long Oceania confederation.
 
Olketa yang Kurukuru ibin winim evriwan long 6 fala matches blong olketa long New Zealand last October wea olketa i skoarem totol blong 64 goals an 7 fala goals nomoa agensim olketa.
 
Mr Rara hem se NOCSI olketa i talem aot finis disfala disisin long olketa Youth Olympic Games oganaisa long Argentina.

Ol Het-tok: