Radio Australia em wanem lain na husat i stap insait?

Radio Australia em i wanpla independent intanesanel midia lain em ino wok olsem bisnis. Bikos em i wanpla han blong Australian Broadcasting Corporation, Radio Australia i kisim mani blong en i kam long Australia gavman. Nambawan bikpla samting long sata blong mipela em long indipendens  blong mipela we gavman na ol bisnis ino nap konrolim progrem blong mipela. Mipla wok aninit long editorial polisi blong mipela yet. Mipla wokim progrem blong ol lisana long Asia Pacific rijen. Ol progrem Radio Australia i produsim, yu ken harim long web, sosal midia na mobail telepon na tu long redio ikam long yu long sotwev, setalait, FM brodkas na ol patna stesin. Yu ken painim moa long Radio Australia long Stori blong mipela pes long website

Olsem wanem, ol Tok Pisin progrem yupla produsim long Australia yupla brodkas long ol yet ikam long Australia oa local?

Ol tim blong mipla yet long Australia na olketa hap blong Asia Pacific i save produsim ol progrem blong mipla. Hetkauata na ol studio blong Radio Australia i stap long Melbourne, Australia. Ol sotwev trensmita i stap long Australia na long sampla hap long Asia. Sampla FM patna stesin long rijen tu i ken karim brodkas blong mipela sapos oli laik. Yu ken painim aut moa long ol lokal redio brodkas blong mipela long Radio seksen aninit long Wei blong harim.

Bai mi painim Radio Australia olsem wanem?

Yu ken toktok wantem mipela sapos yu yusim Adres blong Mipela fom oa long telepon oa salim pas ikam long adres i stap long kontek pes aninit long Wei blong harim seksen long websait. Bai mipela bekim yu bihain long sampla de. 

Mi laik brodkas sampela long ol progrem blong yupela oa putim online progrem blong yupela long websai blong mit – inap mi patna wantem Radio Austalia?

Radio Australia i hamamas long wok wantem ol rijenol midia lain i laik shea, wokbung wantem mipela oa brodkas long progrem blong mipela. Yusim Adres blong Mipela fom blong Toksave long mipela na mipela bai toktok wantem yu.

Blong wanem na yupla i gat Inglis brodkas long Tok Pisin audio strim blong yupela?

Ol nainpela Radio Australia audio na redio strim i gat Inglis sevis blong ol yet, em mipela i produsim blong ol lisana long Asia oa long Pacific. Ol sevis blong mipela blong Asia i gat windo long Tok Pisin. Arasait long ol dispela windo mipela ofa tu long Inglis sevis blong Asia oa Pacific. Yu ken painim aut moa Toksave long ol local tokples brodkas taim long Radio seksen aninit long Wei blong harim. 

UTC em wanem samting?

UTC oa Coordinated Universal Time em kain wei blong makim taim olketa raun long wol i wanbel long bihainim. Wol i bikpla tru olsem na oli burukim em igo long ol zones oa ol eria bai isi long makim taim blong wanwan zone. Olketa taim i stat long mak oli kolim UTC. Taim long klok long wanem hap yu stap long wol, i bihainim wanem sait blong UTC yu stap long en. Eksampol, sapos yumi stap long is-kos blong Australia, wol taim long displa hap bai UTC+10 na Hong Kong taim bai UTC+8. Blong stretim UTC taim long komputa blong yu long wanem kantri yu stap, yusim drop-down menu long Progrem Gaid blong mipela oa long Wei blong harim pes na UTC taim blong eria yu stap long en bai kamap.

Yupela save raitim olketa toktok blong ol progrem yupla brodkas long en oa olsem wanem?

Mipela ino save raitim olketa toktok blong ol progrem mipela brodkas long en. Tasol, yu ken kisim sampla yu lukim trenskrit baton i stap. Lukluk long wanwan pes blong ol progrem aninit long Ol Progrem A-Z pes blong painim ol toktok blong en. 

Inap mi salim music blong mi ikam long Radio Australia blong brodkas long en?

Olketa yar, Radio Australia i save singautim ol musisen ino sainim kontrek yet wantem wanpla rekoding kampani long Pacific long salim song ol yet i bin komposim ikam long Pacific Break kompetisen blong mipela.

Bikpla wok blong Pacific Break em long ol musisen long ples em pipal ino save long ol, na givim ol sans long pleim music blong ol bai pipal raun long Pacific i ken harim. Mipela i laik harim music blong ol musisen ino yet sainim kontrek wantem wanpla rekoding kampani na husat i holim yet kopirait long music blong ol.  

Sapos yu gat tok orait na peim sampla mani pinis wantem wanpla studio na rekoding kampani long rekodim yu, em orait, yu ken joinim yet kompetisen.

Sapos yu ken, plis go lukim Pacific Break pes blong kisim toksave blong ol aplikesin de. 

Podkas feeds em wanem samting na hau ken mi yusim ol?

Ol displa Podcast feeds i yusim wanpla kain teknoloji oli kolim Really Simple Syndication oa RSS blong bringim ol MP3 blong mipela ikam long komputa oa mobail telepon blong yu long isi wei, taim oli redi.

 Planti taim web browser, ensin blong painim samting long intanet, bai gat pinis liklik ensin ken blong ridim Podkas feed i stap insait. Yu ken kisim tu ol narakain progrem olsem iTunes blong pulim Podkas ikam long komputa blong yu.

Hau bai mi kam memba blong Podkas feeds?

Sapos yu web browser blong yu inap pulim Podkas, klik tasol long link. Sapos yu yusim wanpla Podcast Software, orait, kopi long URL oa adres blong link yu lukim na putim igo long komputa oa wanem kain masin yu laik harim Podkas long en.

Inap mi statim ol RSS feeds blong mi yet o nogat?

Yes, sapos yu usim toksave blong mipela yu ken statim wanpla RSS feed blong yu yet. Bihain bai yu save kisim ol stori i gat ol hap toktok yu bin makim long en. Blong statim wanpla RSS feed raitim tasol wanpla oa sampla hap toktok yu laik sainim nem long en igo insait long spes blong painim toktok. Long pes em bai kamap bihain long displa, klik long “Subscribe to RSS” blong painim feed yu laikim.

Yu ken sainim nem long displa feed long wanpla web brausa yu save usim oa yu ken edim URL blong en igo insait long masin blong ridim RSS oa igo long intanet RSS sevis. 

RSS feeds em wanem samting na hau ken mi yusim ol?

Ol RSS feeds blong mipela i yusim wanpla kain teknoloji oli kolim Really Simple Syndication. Em i blong bringim progrem ikam long komputa oa mobail telepon blong yu taim oli redi long websait blong mipela.

 Planti taim web browser bai pulim tasol RSS ikam long komputa blong yu. Tasol sapos nogat, yu ken kisim RSS Reader software na putim long komputa blong yu oa yusim online RSS service.

Ol narapla nem blong RSS reader em web feed readers oa aggregators.

Hau ken mi harim Radio Australia?

Displa bai bihainim wanem hap oa kantri yu harim mipela long en. I gat sikispla wei blong harim Radio Australia: laiv striming long intanet, podkas download, long 24 aua FM stesin na ol local stesin em oli karim brodkas blong mipela, oa harim laiv long sotwev na setalait. Toksave blong hau yu ken harim Radio Australia i stap long Wei blong harim pes blong mipela.

Ha ken mi harim Radio Australia long intanet laiv striming?

Yu mas gat komputa i gat saun kad, ol spika oa hetfone, komputa i mas gat web browser na komputa i mas konekt wantem intanet. Yu mas gat tu samting oli kolim plugin oa audio software. Pipal i yusim Flash Player oa Windows Media Player bai nap harim klia tru Radio Australia laiv striming long intanet.

Planti komputa bai gat pinis plugin. Tasol, sapos nogat na yu laik install oa putim plugin long komputa blong yu, yu mas pasim pastem virus protection long komputa blong yu blong wokim displa. Taim yu pinis orait, opim ken virus protection. Sapos yu laikim moa halvim long displa, go long ol halvim fael long komputa oa browser blong yu.

Sampla ples blong wok ino larim ol wokman long putim ol midia pleia olsem Flash oa Windows long opis komuta oli yusim. Sapos yu yusim opis komputa, yu mas askim IT dipatmen blong yu sapos em orait oa oli tambu long en.

Daunlodim Flash Player oa daunlodim  Windows Media Player.

Olsem wanem, Radio Australia audio strim bai wok long mobail telepon blong mi oa nogat?

Displa bai bihainim wanem kain mobail telepon yu gat. Wanpla long ol fomet mipela i gat pinis I ken wok long mobail blong yu. Ol mobail telepon i ken yusim Flash striming mipela i gat pinis bai mas kamap orait na givim yu gutpla sevis. Ol narapla telepon bai mas yusim ol narapla fomet miupela i gat. Ol narapla fomet i nap plei long media player blong mipela.

Tingim, kos blong harim laiv striming long mobail telepon bai antap liklik long sampla mobail netwok.

Olsem wanem, inap mi yusim iPhone/iPad long harim Radio Australia?

Sampla komputa applications oa apps em Radio Australia i yusim blong audio striming blong en, ol i no blong ABC . Yu yet i ken painim toksave blong ol long intanet. Sapos app blong yu I stop na ino wok, ating em i mas min mipela putim niupla app long laiv striming blong mipela. Plis toktok wantem kampani I wokim displa app blong stretim problem long en.

Na tingim, kos blong data taim yu harim laiv striming blong mipela long mobail bai antap liklik.

Olsem wanem, mi bai peim mani blong harim audio striming?

Blong harim laiv audio striming, yu mas gat samting oli kolim, bandwidth. Laiv audio striming bai mas yusim hap long bandwidth blong yu oa bai yu peim mani blong data yu yusim. Toktok wantem kampani i givim yu intanet sevis long displa. Yu mas na skelim gut hamas bandwidth yu wok long yusim, oltaim.

Hamas bandwidth yu yusim:

Mak blong bandwidth Flash striming i save yusim em 28.8MB long wan aua long AAC+ 64kbps (mak blong mipela).
Windows Striming i ron long 96kbps bai yusim 43.2MB long wan aua.
Shoutcast MP3 bai strim long 128kbps na yusim 57.6 MB long wan aua. (Displa bai no nap long planti pipal i yusim)
Shoutcast I ron long AAC+ at 48kbps bai yusim 21.6 MB long wan aua. (Displa bai no nap long planti pipal I yusim)

Mi gat rait software blong yusim, tasol laiv strim I save drop auto a ino save konekt olketa.

Ol koneksen problem i ken kamap sapos yu raun long inatent baksait long firewall oa sekuriti banis blong komputa blong yu. Sampla netwok long opis we yu wok I save blokim striming. Long displa, yu mas toktok wantem IT dipatmen blong yu blong painim aut wanem samting yu mas wokim.

Sapos laiv striming i drop aut oltaim (bai stat na bihain stop ken) na yu yusim default strim oa Windows strim blong mipela, em bai mas min intanet koneksen blong yu ino ron hariap tumas. Na ating displa i min speed blong intanet plen blong yu, oa planti pipal tumas long local eria blong yu em ol i yusim wankain ISP yu yusim. Sapos olsem, orait yu mas toktok wantem ISP – kampani i givim intanet sevis, blong kisim sampla halvim.

Sapos yu harim long Shoutcast strim, ating problem bai kam long ol samting mipela tok pinis antap ia oa ating planti pipal tumas i wok long traim harim strim long wankain taim. Sapos displa I kamap, yu ken traim konekt wantem default Flash strim blong mipela, Windows strim blong mipela oa stop liklik na traim ken bihain.

Mi opim pinis midia pleia blong yupl, tasol pleia ino kamap.

Long displa ating yu mas larim progrem oli kolim, javascript long ron (lukim halvim toksave long browser blong yu blong painim aut long mekim displa), oa update oa putim niupla pleia. Sapos yu yusim computa oa mobail em narakain masin em ino nap long larim yu I putim niupla Flash oa Windows pleia, yusim Shoutcast strim blong mipela. Tasol tingim, sapos planti pipal tumas i yusim displa, em bai pulap tumas na bai noken ron gut.

‘Disqus’ em wanem samting?

Mipela yusim Disqus blong larim pipal i raitim sampla toktok long sait blong mipela. Taim yu lusim sampla toktok wantem Disqus yu ken yusim login blong ol popula sosal midia sait oa raitim liklik toktok olsem visita long sait. Sapos yu login long yusim Disqus, em bai raitim kamap liklik toksave long yu husat bihanim ol narapla visit blong yu long ol narapla websait em oli yusim Disqus.

Plis tingim: wanem toktok yu lusim long displa sait, mipla bai yusim bihainim ABC Conditions of Use (in English) na bihainim ol Terms and Policies (in English) blong Disqus.

‘ShareThis’ em wanem samting?

ShareThis em sevis narapla lain arasait long ABC i givim blong larim yu i edim wanem stori i laik long sait blong mipela wantem kontek oa adres blong yu. Yu ken edim wanpla stori long wanem sosal midia blong mipela yu laik edim long en oa long email. Taim yu laik edim stori, klik tasol long Add This baton, em bai op na askim yu long raitim nem na adres blong yu, na bihain larim yu long edim stori long wanem wei yu laik. 

‘Community Guidelines’ em wanem samting?

Komuniti Gaidlain i tok klia long hau mipela menijim na moderetim ol sosal midia sevis blong mipela. Radio Australia i hamamas long wanem samting yu givim ikam, em i ken mekim pipal i laik toktok oa i makim ol kain kain tingting na save blong ol lisana blong mipela. I tru mipela laikim pipal long bung na toktok halvim oa agensim wanpla narapla long sosal midia, tasol mipela ting pipal i mekim displa wantem respect na gutpla pasin. ABC editorial polisi i banisim tu wanem samting mipela i mekim long sosal midia sevis blong mipela. I gat tu sampla strongpla rul i banisim indipendens we gavman na bisnis ino kontrolim progrem, accuracy we olketa toktok long progrem I mass tret na tru, impartiality we mipela mas sanap namel na noken sapotim wan sait, harm na offence we mipela noken bagarapim man oa mekim man I belheve oa pilim pen.

Inap mi givim tingting blong mi long wanpla stori?

Yu ken givim tingting blong yu long wanem stori yu laik long websait blong mipela sapos yu yusim wanpla liklik bokis tambolo long pes blong displa stori. Yu ken joinim tu ol toktok taim yu stap long ol sosal midia sevis blong mipela, em yu ken painim long Komuniti pes blong mipela. Oa, yu ken yusim ol shering baton blong sherim wanpla stori wantem ol fren blong yu na yu ken raitim tingting blong yu long en long hap.

Plis tingim: mipela save moderetim olketa toktok pipal i lusim long sait blong mipela. Yu ken ridim moa long moderesin wok blong mipela long Komuniti Gaidlains.

Sapos yu laik givim tingting oa komplen long sampla samting, salim displa ikam stret long Radio Australia, yusim wanpla fom i stap long Adres blong Mipela.

Long websait na long redio yupela tok long yusim “hashtag” long Twitter. Mi gat Twitter akaunt, tasol mi no save hau long yusim “hashtags.”

Hashtags i givim isi wei blong toksave kwik long ol fren blong yu ol na arapla pipal long progrem yu gat laik long en long websait. Oli kamapim tu rot blong olketa toktok long stori yu laikim, igo lwantem displa stori.

Hashtags em ol het toktok blong wanpla tweet. I tru oli het toktok tasol oli ken stap long wanem hap long stori. Oli ken kam long wanem samting yu toktok long en long stori. Tok bokis:  “Gutpla intaviu long Radio Australia i gohet displa taim.. #raonair” Yu ken lukim sapos yu go long hia.

ABC Editorial Policies em yu ken painim here (in English) i banisim olketa tweet Radio Australia i putim long twitter feeds. Tasol, Radio Australia ino kontrolim wanem kain bekim ol lisana i salim na hau ol lisana i yusim ol Radio Australia hashtags na wanem samting ol lisana i postim long tweet, bai ino rong blong Radio Australia.

 Plis tingim: olketa toktok yu laik mekim taim yu yusim ol hashtags Radio Austalia I givim, I mask am long Tok Inglis.

Olsem wanem, Radio Australia bai bekim ol toktok na komplen ikam long pipal I yusim websait?

Salim olketa toktok na komplen yu laikim Radio Australia long bekim, yu mas salim long fom I stap long Adres blong Mipela pes. I tru pipal blong mipela I ken joinim tu ol toktok long seksen ol lisana i salim toktok long en oa long sosal midia sevis blong narapla lain, tasol pipal i noken ting oli ken yusim displa tu blong salim komplen, yusim Adres blong Mipela seksen long websait blong wokim displa.

Radio Australia i gat strongpla tingting long accountability we mipela mas mekim samting long ples klia na sapos mipela i rong, mipela mas stretim displa rong. Komplen polisi blong mipela i stap long here (in English). Bai mipela traim long bekim tok blong yu bihain long sampla de. 

Olsem wanem, Radio Australia igat rekod blong olketa samting i kamap long websait?

Taim wanpla toktok ikam na oli oraitim, ating bai yu no nap moa long editim oa rausim. Tu, ol toktok na wanem samting yu mekim taim yu yusim narapla sevis, ol bai mask am aninit long displa arapla sevis bihainim ol rul blong ol yet. Plis ridim gut ABC Conditions of Use (in English) na ol rul blongwanem narapla sevis yu yusim, pastem long givim tingting blong yu long sait blong mipela.

Social bookmarking em wanem samting?

Social bookmarking i larim pipal long tag oa makim ol web pes oli laikim long websait blong narapla lain blong sherim wantem ol narapla pipal. Taim oli makim pinis wanpla samting long ol displa narapla sait, ol arapla pipal I ken ridim ol tu, skelim na givim mak blong ol long en oa sherim displa link.

Sapos yu rejista wantem wanpla sosal bookmarking sevis, yu ken join na sherim ol stori long en.