Komuniti tiata blong Volantia Sevis Ovasis

Ol komuniti theatre grup insait long ol rurel eria igo pas nau long kamapim wanpla bikpla wok long kisim 'message' na tok aut blong sik HIV na AIDS igo aut long wan wan komuniti long kantri. Wanpla long ol lain i save gut long usim displa tiata drama long tilim ol toktok blong daunim HIV na AIDS, em long Voluntary Service Overseas oa VSO, wanpla NGO blong Britain, husait ibin igo long PNG long 1971. Long web-site blong ol, VSO i tok displa yar 2008, VSO i makim na selebrat-im 50 yar blong stat wok blongen, taim wanpla yangpla man, David Brown, krismas blongen 18 ibin kamap nambawan VSO volantia lomg wok insait long Sarawak long Borneo long mun May, na 4-pla mun bihain, narapla 15 volantia ibin igo wok insait long Ghana, Nigeria, Zambia na Sarawak. Olsem na long Fraide las wik, long Port Moresby, ol 'partner na stakeholders' na ol NGO lain ibin bung long 'stat na launch' blong Tokaut AIDS Community Awarness Theatre, em VSO igo pas longen, insait long Madang na Western Highlands provins.