PNG: Pipal long Wewak i burukim PM opis
Updated
Long Papua New Guinea, ripot i tok ol relative blong wanpla National Alliance pati blong Praim Minista Sir Michael Somare, i bin go burukim ol samting long opis blong praim minista.
National niuspepa i ripot olsem, toktok i sut long ol famili memba blong displa pati memba, husat i bin East Sepik provinsel siaman blong NA, late Teddy Sane, long wokim displa trabal.
Displa trabal i kamap long same wik we Sir Michael i bin mekim sampla toktok ken em i soim olsem, ating em bai retire bihain long wok olsem politisen inap long 40 yia pinis.
National niuspepa ripot i tok, displa trabal i kamap bihain long National Alliance pati i bin promis, na bihain i feil, long givim sampla halvim blong meri blong Mr Sane.
Mr Sane, husat i bin wok olsem siamna blong NA long provins longpla taim, i bin wanpla National Alliancepati memba inap long tenpla yia.
Sir Michael nau i stap long wanpla miting long Ghana, African.
