Australia: Australia Police apim namba long PNG
Updated
Australia Federal Police i apim namba bilong wokfos bilongen insait long Papua New Guinea,taim tripela officer bilongen igo kamap long Port Moresby bilong mekim ol wok olsem advicers.
Ol bai joinim wanpela liklik istap pinis long long kantri.
Niusman long PNG Steve Marshall report olsem , despela tripela
Australia Federal Police officer bai namba one lain namel long
11-pela ol officer bai igo kamap long Port Moresby bilong igo join wanpela liklik lain istap pinis long kantri na halavim PNG police long daunim heve bilong crime long kantri.
Tripela yar igo pinis moa long 150 AFP officer ibin igo stat wokim despela wankain wok , tasol ol ibin tanim ikam beck Australia long wanem ,ibin igat ol nakain tingting lo bilong PNG inoken kisim ol officer bilong Australia taim oli wokim rong long kantri.
Despela wankain wari bilong immunity bilong AFP officer bai lukim kamap bilong ol despela niupela officer bai igat mak bilong mekim wok bilong ol long givim advice igo long PNG police executive.
Wanpela mausmeri bilong AFP itok ,despela grup bai lukluk tu long sapos ol iken painim we bilong sukurim wok bilong ol igo bigpela na iken istap pela taim moa wantaim ol wanwok bilong ol long PNG.
Oli ting ol narapela eitpela AFP officer bai igo kamap long PNG insait long ol mun ikam.
