Solomons: University blong Sout Pacific bai girapim Solomon uni.
Updated
University blong South Pacific ibin tokaut stret olsem emi gat tingting nau long girapim namba foa kempes long Solomon Islands.
Solomon Islands Brodkasting Corporation ibin ripot,--Vais Chansela,Professor Rajesh Chandra ibin raitim wanpela pas pinis igo long Minista blong Education blong Solomon Islands,Mathew Wale.
Professa Chanfra ibin tok emi bin hamamas long ol toktok blong Minista Wale ino long taim igo pinis olsem gavaman igat laik long girapim namba foa kempes blong Universiti blong South Pacific long Solomon Islands.
Emi tok university i redi long wok klostu wantaim Solomon Islands gavaman long lukim olsem dispela projek i kamap tru.
