PNG: Komuniti blong Bulolo imas kisim 25 pesen win moni
Updated
Memba blong Bulolo distrik long Papua New Guinea palimen,ibin tok komuniti imas kisim 25 pesen blong ol win moni ikam long Hidden Valley Gold Mine.
Morobe provinsel gavaman i kisim mak blong 36 pesen blong ol win moni blong gold mine,taim emi stat wok.
Gavana blong Morobe,Luther Wenge ibin tok orait long givim Bulolo 25 pesen blong moni.
Tasol memba blong Bulolo,ibin tok ol memba blong elektorate blong em i mas kisim moa long dispela mak.
Emi tokim Pacific Beat program,dispela moni bai halivim long peim ol lait blong rot na wara sistem,em nau oli gat bikpela nid tru long en.
