Fiji: Laisenia Qarase itok interim gavaman bai misim jans.
Updated
Olpela Praim Minista blong Fiji,Laisenia Qarase,ibin tok interim gavaman bai misim jans blong em long muvim kantri igo pas sapos emi nolaik long stap insait long politikel forum blong President.
Wanpela tok orait ino long taim igo pinis long praim minista istap insait long wanpela forum,tasol nau interim gavaman i senisim taim ken.
Oli ting Sir Paul Reeves mausman blong Commonwealth bai igo pas long dispela forum.
Mr Qarase ibin tokim Radio Australia Pacific Beat Program olsem ol samting olsem --ol senis oli tingting long kamapim long wok blong eleksen,ol senis long loa blong graun oli mas toktok long en long dispela forum.
