Thailand: Thailand i mas gat army ku long stretim politik.
Updated
Thailand deputy premier bifo i tok blong stretim heve long politik, bai wanpela ku i mas kamap.
Chavalit Yongchaiyudh CHAH-wah-lit yong-chigh-YOOD , i bin pinis long Tunde, bihaen long polis na pipal i protest i bin pait long gate blong parliamen long Bangkok, em insaet longen tupela pipal i dai pinis na klostu faiv-handret i kisim bagarap.
Ol despela pait namel long polis na pipal i protest i bin nongut olgeta, stat long taim ol demonstrator i bin statim kempein blong ol long mun May long rausim pati em i lukautim gavman.
Mr Chavalit i tokim Bangkok Post Niuspepa olsem Thai military i mas lonchim ku bikos em i nogat ol narapela we i op long bihaenim long stretim despela heve long politik.
Tasol Strongpela army chief long holim pawa, i tok-promis pinis planti taim bai army i noken lonchim ku na bai i stap namel tasol igo i nap em i bihaenim wanem rot long em i pinis.
