NKorea: America klostu i rausim em long terrorism blacklist
Updated
United States oa America i kamap klostu nau long rausim nem blong North Korea long terrorism blacklist buk blongen blong traim sevim despela nuclear disarmament agreemen em klostu i bruk daon.
Tasol gavman blong North Korea long Pyongyang em i strongim kros blongem , taim em i putim tambu long long ol U-N inspectors long go lukluk long nuclear complex blongen na givim toklukaut igo long gavman blong South Korea long Seoul long pait namel long ol navy blong tupela kantri long sea border area blong ol em oli wok long kros longen.
Ol ripot long South Korea Chosun ilbo newspaper i tok Gavman blong America nau i klostu long kamap long agreement long ol inspection procedure long North nuclear plants.
United States i wok long strongim toktok long oli mas gat agreement long verification pastaem long em bai i rausim nem blong North Korea long blacklist buk .
North Korea -- nau i redi long statim ken despela Yongbyon nuclear complex , em long wanem em i wok long protest long oli isi isi tumas.
