Ol strongpela toktok pasim filiming bilong New Zealand politikal so.
Updated
Ol Television New Zealand produsas ibin sotpim wanpela televisan dibet pastaim long eleksan taim wanpela penalist ibin tok nogut igo long wanpela biknem politisan.
Ol ibin stopim filming bilong Eye to Eye taim Mathew Hooton i bin mekim tok nogut igo long New Zealand First pati lida, Winston Peters.
Mr Hooton, foma press secretary bilong oposisan National Party na Mr Peters ibin mekim strongpela toktok igo ikam long wanpela narapela we tupela i bin tokim wanpela narapela LIARS.
Mr Peters, i bikpela poroman bilong Labour Party long New Zealand koalisan gavman, na ol ibin pasim pastiam em long wok bilong Foreign Minister taim ol ibin mekim ol investigesan igo long ol donesan long pati bilong em.
Long Friday igo pinis, Serious Fraud Office iu bin pinisim ol wok painimaut bilong em na i tok, ino gat as long oli putim fraud charges.
