Vanuatu Gavman i vot agensim tabun blong plastic bags long kantri
Updated
Gavman blong Vanuatu i vot pinis agensim wanpela bill blong palaman long tambuim ol plastic bags long kantri.
Vanuatu Daily Post i ripot olsem, Opposition Whip, Moana Carcasses i bin putim dispela private bill igo long palaman long wik igo pinis.
Em ibin laik long tambuim ol plastic bags sapotim lokal woven basket industri long kisim ples blong en.
Dispela bill i bin putim kamap tingting tu long tambuim import, salim na burning oa kukim blong ol plastic bags.
Mr Carcasses (kuh-KAH-sis) i bin tokim Palaman olsem, sapos oli bin oraet long dispela bill, dispela tambu bai inap long stat long mun July, long yiar bihain, na bai halivim environmen na givim strongpela sapot long lokal ekonomi.
Tasol gavman i bin vot agensim dispela Bill, longwanem, em ino laikim bai oli larim dispela lo long han blong custom na polis blong lukautim.
