Wanpela grup blong ol minister bai lukluk raun long Fiji
Updated
High Commissioner blong Australia long Fij, James Batley i tok, em i tru wanpela ministerial contact grup for Fiji bai lukluk raun long kantri long wik bihain.
Dispela grup i gat sikispela memba blong foreign minister ikam long Australia, New Zealand, Samoa, Tonga, Papua New Guinea na Tuvalu, i stap long en.
Bai oli usim dispela miting long givim tingting long Pacific Islands Forum sapos bai oli mas rausim Fiji long Forum long tingting blong em long noken holim elekson long yiar bihain.
Em i namba tu miting blong dispela grup na oli ting bai oli kam stap long Fiji, stat long December 10th igo inap long 12th.
Mr Batley i bin tokaut long dispela lukluk raun taim em i bin adresim Fiji Australia Business Council General miting long Nandi, Fiji.
