Bikpela lain pipal i kamap long PNG mining na petroleum konferens long
Updated
Bikpela laik long Liquefied Natural Gas Projek blong Papua New Guinea i mekim na bikpela namba blong pipal i kam stap long dispela Papua New Guinea Mining na Petroleum industri konferens, oli save holim long wan wan yiar long Australia.
Post Courier newspaper i ripot olsem, ol bikpela kampani ikam long Japan, Korea, America na China, i stap namel long 800 ol delegates ikam stap long dispela Sydney Forum.
Executive director blong Papua New Guinea Chamber bilong Mines na Petroleum, Greg Anderson, i tok, i gat bikpela namba tru blong pipal i kam stap long dispela forum, winim namba oli bin gat long yiar igo pinis.
Lain i makim Papua New guinea risos kampani na ol gavman ofisel bai toktok long dispela konferens, em bai igo inap long tripela dei.
Mr Anderson i tok, dispela ten-billion US dola LNG projek, em Exxon-Mobile igo pas long en, i wanpela bikpela rison long dispela bikpela namba tru blong pipal i kam stap long konferens, dispela yiar.
