INDIA: Gavman sutim tok long Pakistani paitman
Updated
India i salim pinis wanpla ofisal tok aut igo long sutim tok long sampla grup insait long Pakistan long sapotim wanpla bik-het Muslim pait man long kamapim bikpela trabol na kilim dai insait long Mumbai na i tok Paksitani Gavman i mas kisim strongpla action agensim ol.
Dispela tok aut i kamap bihain long l Indian official ibin tok investigesin wok painim blong ol i soim olgeta long ol paitman husait ibin stap insait long 60-hawa pait, em ol sitisen blong Pakistan. Samting olsem 172 pipol ibin dai na klostu long 300 pipol i kisim bagarap long bodi.
Foreign Ministry i tok ol ibin sindautim High Commissioner blong Pakistan igo long Ministry of External Affairs na tokim em long dispela wok painim blongen.
Gavman blong Pakistan i sakim ol toktok olsem em ibin stap insait long dispela ol kilim dai, na President Asif Ali Zardari i 'appeal' igo long India long no ken panisim kantri long dispela ol birua, long tok ol bik-het paitman i ken statim wanpla wo.
