Solo: Hed blong Solomon Polis ibin koros.
Updated
Ol bikman blong polis long Solomon Islands ibin koros long wanpela attack ibin kamap emi mekim na sevenpla ol offisa ibin kisim bagarap.
Tupela Solomon Islands polis offisa na faivpela offisa blong RAMSI ibin kisim bagarap taim,taim oli bin laik igo bihainim wanpela askim we pipol i askim long halivim blong ol long wanpela settlement long Honiara long Koa Hill aste nait.
Ekting komisina blong polis Peter Marshall ibin tok emi koros na bel hat long wanem ol offisa ibin go long mekim wok blong ol taim ol ppiol ibin iusim ol stone na stik na paitim ol.
Emi tok tripela man em krismas blong ol i namel long ol yar blong 20 krisman i bungim arrest pinis.
Komanda blong RAMSI polis fos ibin tok stret olsem RAMSI polis ibin sut long faivpela taim long givim tok lukaut long ol pipol.
