Gaza: UN askim long wokpainim Israel kamapim pait long skul long Gaza
Updated
United Nations i askim long mekim ol wokpainim igo insait long ol pait balus bilong Israel ibin igo kamapim pait klostu long wanpela skul em United Nations ibin save ronim longen na tu long dai bilong ol narapela civilian insait long Gaza.
United Nations ibin mekim despela singaut taim tete emi namba 12 de stret bilong Israel iwok long igo hed long hamarim Gaza.
Israel itok,bihainim ol pait Israel ibin kamapim long graun na antap long kilaut igo long Gaza- nau i daunim ol rocket attack ikam long ol lain Hamas insait long south bilong Israel.
UN na ol narapela lain bilong givim ol halavim itok,klostu long half million Palestinian civilians iwok long painim heve long despela pait.
International Committee bilong Red Cross itok, planti pipol bilong Gaza bai klostu b ungim bigpela heve.
Hetman bilong International Committee bilong Red Cross insait long Gaza, Pierre Kraehenbuhl,ol kaikai, wara na ol marasin iwok long igo sot na planti pipol nau iwok long bungim bigpela trabel .
