FIJI:Ol mausman bilong Fiji local gavman ilaik bungim Gavman minister
Updated
Ol mausman bilong Fiji local gavman iwok long hop olsem ,ol iken mekim military gavman long inoken igo hed wantaim plan bilongen long pusim ol mayors na kansol long lusim office bilong ol.
Niusman long Pacific Campbell Cooney report olsem,ol ibin tokim 12-pela ol lokol gavman bilong Fiji long las mun olsem , interim gavman i skelim tingting pinis long mun July igo pinis olsem , long pinis bilong mun January, terms bilong elected lida bilong ol bai pinis olsem na ol mas lusim office.
Permanent Secretary bilong Department bilong Local Gavman, Ram Chandar
ibin tok, ol bai makim ol administrators bilong ronim local gavman igo inap long oli holim niupela election,tasol em ino tokaut long wanem taim.
Ol ino givim ol reason long despela tingting bilong interim gavman.
Major bilong Suva, Ratu Peni Volavola itok, ol mausman bilong local gavman bai bung wantaim interim local gavman minister, Filipe Bole insait long tupela wik .
Fiji Department of Local Gavman itok , despela tingting bai inoken kamapim heve long ol wokman/meri em local council ibin kisim ol.
