Zibabwe: Sick Cholera kilim samting olsemn 1700 pipol
Updated
World Health Organisation itok,sick cholera iwok long kamap bigpela insait long Zimbabwe na ikam inap nau despela sick i kilim idai pinis
1732 pipol.
WHO itok,oli tokaut ken long 379 ol niupela kes insait long despela mun tasol.
Despela sick nau i putim moa heve ken igo antap long ol heve bilong ol wokmoni na poltic ,taim President Robert Mugabe na opposition
ino wanbel yet long sharim pawa.
President Mugabe, we planti iwok long sutim tok long bagrapim ol wokmoni bilong Zimbabwe iwok long sakim ol askim ikam long ol kantri bilong West long em lusicim wok president.
Cholera ibin mekim sick diarrhoea na dehydration igo bigpela olgeta long 10-pela ol provinces long wanem ol health na sanitation system bilong despela kantri ibin bruk daun.
Ol iwok long poret olsem-despela sick ya isave kamap long wara na em bai igo bigpela long wantaim taim bigpela ren ikamap klostu nau.
