Aust: Australia difens tokaut long nem blong solja i dai
Updated
Ol difens ofisal long Canberra i givim aut pinis nem blong wanpla Australian solja em i bin dai long Afghanistan.
Jesse Leary i ripot olsem, Private Gregory Michael Sher, krismas 30, i bin lusim South Afrika ikam long Australia wantem femili blong em long 1986, na joinim ami long 1998 olsem wanpla reserve infrantryman.
Oli bin salim em igo long East Timor long 2002, na bihain i joinim 1st Commando unit, na em i dai taim i wok wantem displa unit long Afhganistan.
Private Sher i bin dai long Sande taim ol Taliban i sutim ol roket igo long Oruzgan provins blong Afghanistan.
Em i kamap namba-8 solja blong Australia long dai long Afghanistan stat long 2001 ikam inap nau.
Em i lusim papa na mama blong em, tupla barata na patna blong em.
