Aust: Difens i tok 'climate change' bai bringim heve long sekuriti
Updated
Australia Difens Fos i tok climate change na heve we mak blong solwara i wok long go antap, i makim bikpla heve tru long sekuriti long Pacific.
Sydney Morning Herald niuspepa i bin kisim wanpla 'confidential security review' blong yia 2007 em i tok olsem, bagarap long envairomen i kamapim ol heve we pipal bai kamapim trabal bikos kaikai na ol narapla risoses bai sot.
Em i tok tu olsem problem we mak blong solwara i wok long go antap, ba kamapim bikpla heve long ol liklik ailan, na ating bai kamapim planti refuji ikam long ol Pacific ailan em bai oli bungim trabal.
Oli bin kisim displa ripot aninit long Freedom of Information loa.
Militari ino laik givim aut ful ripot long wanem em i ken bringim heve long wok blong Australia difens na intanesanel rileisen.
