Israel: I wanbel wantem tingting blong stopim fait long Gaza
Updated
Israel i tok oraet pinis long wanpla tingting blong Egypt blong stopim pastem ol fait long Gaza Strip tasol oli no bin tokaut iet long ol bikpla wok insaet long despla tok oraet.
Reuters nius egensi i tok makim wanpla sinia Israel gavman ofisa long tok olsem oli no save hau tru bai oli bihaenim despla tok oraet blong stopim pastem ol fait.
Despla tingting blong stopim pastem ol fait em France na-Egypt ibin kamapim itok olsem oli mas stopim fait, na tu blong stopim hamas long kisim ken planti moa samting blong fait, na despla em wanpla bikpla samting em Israel i laikim tu.
Oli no tokaut long olgeta tingting blong despla tok oraet, tasol oli ting sampla long ol i karamapim bikpla askim blong stopim pasin em hamas isave mekim blong bringim hait long samting blong fait ikam long Egypt igo insaet long Gaza, na tu blong Israel imas rausim ol strongpla tambu oa blokeid.
Hamas itok olsem i luk olsem despla ol kaenkaen tingting blong kamappim gutpla sidaon emi gutpla, tasol oli no kamapim iet wanpla tok oraet.
Pastem long despla Israel ibin stopim ol army blong en long sutim ol roket igo insaet long Gaza blong ol laen husat isave givim halvim long bringim ol saplai igo insaet long Gaza long halvim ol pipal husat iwok long painim bikpla heve.
Klostu 700 pipal blong Palestine i dai pinis stat long taem Israel ibin stat long bomim kantri blong ol tupla wik igo pinis.
