Fiji United Nations bai halivim Fiji

Updated January 9, 2009 19:53:06

Wanpela wok bung blong United Nations na Commonwelath Mission bai igo lukluk long Fiji sampela taim long dispela mun long halivim kantri igo bek long demokratik pasin.

Offis blong United Nations long Suva ibin tok stret long dispela lukluk na bai kamap long 19 igo inap long 23 de blong mun Januari.

Fiji television ibin tok igat toktok ibin kamap olsem dispela lain em Politiksel Affeas offisel blong United Nations long New York,Tamrat Samuel bai go pas long en.

Commonwealth tu ibin tokaut olsem em bai salim wanpela sinia offisel blong em, Juliet Solomon,na oli mekim dispela i blong bekim wanpela askim ikam long interim Praim Minista Commodore Frank Bainamarama, long halivim blong ol long rereim wanpela forum.

Commodore Bainamarama ibin tok olsem inap ol politel lida i tok orait long kamapim stretpela eleksen sistem,em nau bai kisim ol narapela 12-pela mun ken long rereim eleksen.