Tokua: Bikpela smuk i pasim ol wok long Tokua ples balus
Updated
Nois na smuk long Mt Tavuruvur long Rabaul Papua New Guinea nau i pasim Tokua ples balus long mekim ol wok blong em.
Oli pasim nau planti hundret pipol long kisim balus igo aut oa igo insait long East New Britain Provins .
Papua New Guinea niusman Steve Marshall ibin ripot,stat long taim bikpela pairap ibin kamap long 1994,Mt Tavurvur,igo hed yet long kapsaitim ol pipia blong em,wantaim tu ol smuk na ol ston aut long maus blong em.
Ol win i ron ikam olsem long north west ibin karim ol bikpela black smuk igo stret long Tokua ples balus emi stap 20 kilomita long wei.
Air Niugini nau i pasim olgeta ron blong ol balus blong em igo long Tokua inap emi kisim klia toksave long ol kain bagarap inap kamap long ol dispela smuk blong mounden paia i kamapim igo long ol balus.
Wanpela lokel kampani blong sip i givim ofa blong em pinis olsem emi inap kisim 400 pasindia igo long ples balus long New Ireland provins-we ol pasindia iken kisim balus long hap igo long ol ples oli laik igo longen
Dispela ples balus istap long wei long ol smuk blong mounden paia blong Tavurvur
