West Papua: Wanpela kot i kalabusim 11 pipol.

Updated January 9, 2009 19:53:07

Wanpela kot long Indonesia long bus blong West Papua nau ibin kalabusim ol activist,em oli wok long pait long bruk lusim Indonesia,long ibin apim independent flag blong ol,Morning Star.

Wanpela long ol pipol emi save go pas long dispela grup,Jack Wanggai ibin bungim tripela yar kalabus na tenpela arapela ibin kisim tripela yar,long ol "peace-ful protest oli bin holim long March 2007.

Taim blong kalabus blong ol,Hai kot long Jayapura,ibin apim igo antap,bihain long ol loya long Menokwari city,ples em ol protes ibin kamap,ibin appeal agensim dispela tingting blong lower kot long hap,long kalabusim ol dispela activist inap long eitpela mun tasol.

Ol dispela pipol nau bai appeal igo long Supreme kot long Indonesia.

Pipol i soim ol samting blong brukim kantri olsem flag long Indonesia iken mekim pipol igo kalabus inap oli dai .