PNG: Jas i tok sapos nogat pawa long Goroka taon bosman bai kalabus
Updated
Bosman blong Papua Nnew Guinea pawa kampany long Goroka long East Highlands i nap go kalabus sapos pawa black out i kamap wanpela taim moa long taon.
National Niuspepa i ripot olsem kot i bin kisim despela bosman, Henry Pirah blong PNG Power long Goroka long kamap long ai blong kot bihaen long taon i no bin gat pawa..
Jaz, - Justice Mark Sevua - i tok ol despela black-aut i bin stopim kot long gohet wantaem ol tokcase blongen .
Na tu i bin mekim, na kot i bin lusim sampela important kot ripot oa dokument blongen long komputa.
Ripot i tok jas i bin tokim Mr Pirah olsem pipal i save stap long taon oa ol residents long Goroka i peim moni blon ol long i mas gat wanpela gutpela power source oa pawa stesin.
Em i tok Pawa i mas wok gut oltaim na em i tok sapos i gat narapela pawa cut i kamap long taon Mr Pirah bai i nap go kalabus.
