PNG : Bikpela wari long ol sekuriti gad i karim gan
Updated
Bikpela wari i wok long kamap long ol sekuriti gad i karim gan long Papua New Guinea bihaen long wanpela sekuriti gad i fairim gan igo long wanpela faimli autsaet long stoa long Port Moresby.
Firmin Nanol i ripot olsem security industry long Papua New Guinea i wok long grou bikpela tru na ol bisnis oa ol wan wan laen oa man meri i wok long hairim ol long lukautim ol wokobaut blong ol olsem sekiuriti.
Wanpela gad blong Pacific Corporate Security company i bin faierim ol shot igo long wanpela family em oli bin stap wet insaet long kar bilong ol autsaet long stoa long Moresby.
Wantaem famili long kar em wanpela man,Tinsley Ruh blong Australia, husat i bin wok long go raon long lukim ol kandare oa relatives long PNG. .
Em i tok ol gad i faiarem ol shot long gan na mekim ol taia blong kar i flat na bihaen em i pulim aut wanpela long ol relative long kar na paitim em, oli no klia long wanem samting.
Pacific Corporate Security company i tok aut stret olsem tru ol gad blongen i bin stap insaet long despela shooting incident.
PNG polis nau i wok long investigeitim despela trabal.
Despela shooting i kamap stret wanpela de bihaen long anti-corruption group, Transparency International PNG, i sutim tok long gavman.
Long wanem gavman i no mekim wanpela samting long 2005 ripot, em i singaut long gavman long reform long ol loa blong gan, em i pulim planti tootok kros.
