F/Poly: Temaru i joinim pipol i tingim bagarap long nuklia test
Updated
President bilong French Polynesia, Oscar Temaru, i joinim ol pipol i bin kisim bagarap long ol nuklia test bilong France na ol femili bilong ol, long bung bilong makim 43rd aniveseri bilong nambawan test tru long kamap long hap.
Planti pipol i bung bilong stap long wanpela lotu sevis long wanpela memorial long kapital Papeete tede long moning, bilong tingim ol pipol i bin dai, na planti moa i bin joinim wanpela narapela bung em bai stap inap long tede nait.
Samting olsem 150-tausen sivilian na militari man meri i bin wok insait long klostu 200 nuklia test em France i bin mekim, planti long ol antap long Moruroa atoll, namel long 1966 na 1999.
Planti long ol dispela pipol i bin kisim ol kain bagarap long helt bilong ol bihain.
Roland Oldham, president bilong association i makim ol pipol i dai na kisim bagarap long ol test - Moruroa e Tatou, i tok oli wok yet long traim mekim France i luksave long ol na peim ol kompensesin.
