Solomons: Provinsel memba laikim eleksen loa i senis
Updated
Long Solomon Islands, pipol i wok long tok gavman i mas apim mak bilong mani ol kendidet i ken yusim long eleksen, bihainim provinsel eleksen dispela wik long Western Province.
Aninit long loa, ol provinsel kendidet i ken spendim 1-tausen Solomon dola - samting olsem 140 US dola - long kempein bilong ol.
Dispela i apim mak igo antap kisim 50-tausen Solomon dola - samting olsem 6-tausen US dola - bilong nesanel eleksen.
Tasol, Danny Kennedy, Provincial Member bilong Gizo em oli voutim bek ken, i tokim Radio Australia Pacific Beat progrem olsem, dispela kain mani ino nap karamapim olgeta kost .. na nau oli laik bai oli mas apim mak.
