Cooks: Spots na Olimpik Komiti ino yet kisim mani bilong games
Updated
Cook Islands Sports na National Olympic Committee - oa CISNOC - ino yet kisim funding oa mani ikam long gavman bilong karamapim ol wok bilong Pacific Mini Games long mun Septemba.
Long las mun oli no bin bilip tumas games bai go het, taim Pacific Games Council i tokaut long wari olsem, ating Cook Island bai no nap long hostim games.
Kaunsel i bin tok oli nap kenselim games sapos gavman i feil long larim lokal organising committee i holim rait na paua long mekim samting em yet.
CISNOC i aplai pinis long klostu 900-tausen US dola ikam long gavman bilong karamapim operating costs, na oli hope gavman bai givim dispela mani olsem hap long supplementary budget bilong en long wok bihain.
Radio Australia ripota long Raratonga, Ulamilla Wragg, i bin tokim Pacific Beat progrem olsem, komiti i laikim tumas dispela mani.
