Fiji: Interim gavman i oraitim niupela women grup.
Updated
Wanpela bikpela grup long Fiji em i save toktok strong long rait bilong ol meri, i tok wanpela niupela women grup em interim gavman i sapotim, bai noken kisim ples bilong ol grup nau i stap pinis.
Pacific niusman Campbell Cooney i ripot olsem, wanpela toktok i kam aut long interim gavman i tok olsem dispela niupela grup oli kolim, "Fiji Womens Federation", bai save toktok na makim rait bilong ol meri long kantri.
Shamima Ali, Kodineta bilong wanpela long ol wmen grup em i wok longpela taim pinis long Fiji, oli kolim, Fiji Womens Crisis Centre, i tok ol gavman bipo i bin traim long kirapim ol wankain grup bipo.
Interim gavman i tok membasip long federesin bai kam long ol Women's NGO, em bai wok bihainim sampela rul, tasol oli no tok klia long wanem ol dispela rul.
Ms Ali i tok tingting bilong gavman long kirapim dispela grup ino min ol bai mekim ol narapela grup i stap pinis, olsem Crisis Centre em i save toktok strong agensim interim gavman, igo sanap arere.
