NZ: Wanpela yangpela gel i dai long swine flu
Updated
Swine flu .. na New Zealand i toksave nau tasol long wanpela yangpela gel i dai long dispela sik.
Ol otoriti i tok tripela pipol husat i dai pinis long wik igo pinis, oli bin dai long dispela virus.
Chief Coroner bilong New Zealand, Neil MacLean i tok oli bilip strong olsem dispela H1N1 virus i mas wanpela long ol bikpela has long dai bilong tupela man, krismas 19 na 42, i tru wanpela long tupela i bin gat pinis sampela kain sik.
Nambatri nau tasol i dai em wanpela yangpela gel husat i bin gat tu sampela kain sik pastaim em yet.
Em i bin dai tede Sarere long Wellington Hospital.
Rijenal helt bod i tok, taim oli testim dispela gel, oli bin painim swine flu virus long em.
Ikam inap nau New Zealand i toksave em i gat nau 945 pipol husat oli save i gat swine flu.
