NZ: Oli wok long halvim ol pipal bihaen tornado

Updated July 5, 2009 19:45:23


Sampla laen husat isave givim halvim oa aid egensi nau iwok long halvim ol pipal blong Kaitaia emi stap antap tru long north blong New Zealand bihaen long wanpla strongpola win tru oa tornado ibin bagarap ol haus blong ol.

Ol despla strongpla win ibin kamap na hamarim ples bihaen long belo, na emi bin bagarapim samting olsem 20 ol haus na sampla hap long Kaitaia haus sik.

New Zealand Herald niuspepa i ripot olsem oli bin rausim kuik ol pipal blong despla hap, taem despla tornado i bin hamarim Ninety Mile Beach na bagarapim planti samting pastem emi bin go olsem long south east blong kantri.

Oli bin putim ol despla femili long wanpla motel na ating bai oli no nap lusim ol igo bek iet long ol ples blong ol inap long sampla dei iet.

Ol narapla pipal long Kaitaia i givim pinis tu sampla halvim blong stretim gut ken haus sik, em boiler rum na ofis blong haus sik ibin bagarap.

Oli no bin tokaut sopos sampla ibin kisim bagarap oa nogat.