Solo: Oli tokim ol pipal long klinim ol liklik wara blong ol
Updated
Na stap iet long Solomon Islands we oli tokim pinis ol pipal long stat long klinim ol wara em oli save usim na tu ol liklik wara oa strim nogut nogat ren bai pudaon long longpla taem oa drought.
Director blong National Disaster Management ofis Loti Yates ibin tokim Solomon Islands Broadcasting Corporation olsem ol liklik wara na ol wells oa wara emi save stap long ol hul em ol pipal blong bifo isave bin usim, nau oli no save usim mo long wonem oli save usim tasol wara emi save kam long ol pipe.
Emi tok bifo ol kaen liklik wara na ol wells olsem isave halvim gut ol pipal, long taem nogat ren isave pudaon.
Laen blong Meteorological Services itokaut pinis olsem ating nogat ren bai pudaon long longpla taem long Solomon Islands long despla yia.
Mr Yates itok sopos nogat ren i pudaon long longpla taem, despla inap kamapim heve long ol kaikai oa bai oli sot long kaikai, na ol pipal bai sik, na tu bai nogat paia wud na wara.
