JAPAN: Foreign Minister pasim lukluk raun long Washington
Updated
Foreign Minister blong Japan bai noken igo nau long Washington long toktok long heve long muvim aut ol US base istap long Okinawa.
Gavman i tok, ol pasim dispela lukluk raun longwanem i hat long makim taim blong wokim long en, na em bai no nap bagarapim ol wok pren istap namel long tupela kantri.
Prime Minister Yukio Hatoyama i promis pinis blong wokim kamap gutpela wok bung namel long tupela kantri na lukluk ken long ol sekuriti agrimen wantaim Washington.
Dispela i soim stret ol kain kain tingting i kamap stret long putim wanpela US Marine base long Southern Island blong Okinawa na muvim ol Marines soldia igo long US Pacific Territori blong Guam.
Futenma Marine base iwok long kamapim koros wantaim ol lokal pipal na Washington i laik gohet wantaim wanpela plan blong 2006 long muvim igo long Okinawa.
U.S. President Barack Obama bai lukluk raun igo long Japan long wik bhain.
