SOLS: Fri Kondoms ino stretim bikpela birth rate long kantri
Updated
Ol askim i kamap pinis long Solomon Islands long tingting blong givim aut fri condoms, ino pasim stret ol heve oli bin gat wari long en.
Solomon Islands Planned Parenthood Association i tok, kantri i gohet long lukim high birth rate oa planti pikinini i born na bikpela namba i wok long kisim sexually transmitted infections, maski oli wok long givim aut ol fri kondoms.
Executive Director Michael Salini i tok, fri kondoms i popular stret we oli wok long run-aut long ol taim dei pinis.
Tasol em i tok, oli no save sapos oli usim olketa fri kondoms na sapos oli gat bikpela tingting blong usim ol.
Mr Salini i tok, em ino tokaut olsem, ol mas baim ol dispela kondom, tasol igat nid long givim moa toksave long en olsem em i bikpela samting blong usim kondoms.
