FIJI: Australian na New Zealand i rausim pinis Fiji diplomat long kant
Updated
Interim Prime Minister blong Fiji, Commodore Frank Bainimarama i tok, Fiji ino nap larim Australia na New Zealand long tokim em long wanem samting em i mas mekim na i tok, em ino sori long salim ol diplomat blong tupela kantri igo bek long kantri blong ol.
Commodore Bainimarama i bin tok long Zealand Radio Tarana Fiji olsem, oli saspendim em pinis long Commonwealth na Pacific Islands Forum.
Em i tok, olsem na tingting long rausim tupela diplomat long kantri, em i raitpela tingting.
New Zealand i bin pasim High Commission blong em long Fiji, longanem, ino gat inap staff, na sutim tok long militari long rausen diplomat blong em long kantri.
Pacific niusman Campbell Cooney ripot Foreign Minister blong New Zealand, Murray McCully i tok, em i bin toktok wantaim Foreign Minister blong Australia, Stephen Smith, long tingting blong Fiji interim Prime Minister, Commodore Frank Bainimarama long rausim diplomat blong ol long Fiji.
