Solo: Fopla ileksan kendidat bai apil
Updated
Fopla palamaneteri kendidat husat ibin lus long by ileksan, em Solomon Islands praim minista bifo, Sir Allan Kemakeza, ibin winim long wik igo pinis nau itok bai oli putim wanpla kot keis egensim em.
Tokman blong ol, na man husat ibin kamap namba tu long ileksan, Henry Zimbo, ibin tokim Solomon Star niuspepa olsem oli no kros long wei em oli bin ronim ileksan, tasol laik save sopos pasin blong larim Sir Allan long sanap long ileksan i bihaenim loa oa nogat.
Oli tok pasin em Sir Allan ibin mekim long resis long ileksan ino bihaenim mama loa, long wonem emi no bin pinisim gut wanpla yia em kot ibin givim em long emi no ken holim wanpla publik ofis.
Long stat blong despla yia oli bin rausim Sir Allan long Palaman, bihaen long kot ibin painim olsem emi bin rong long strongim ol narapla long brukim loa oa intimidation.
