Indon:Tupla sinia loa ofisa bai risain
Updated
Ol sinia polis na gavman ofisa blong Indonesia itok olsem tupla sinia loa ofisa blong kantri bai lusim wok blong ol.
Man husat igo pas oa emi cif blong ol ditektiv long wantem national polis, Susno Duadji, na deputy attorney general Abdul Hakim Ritonga, istap insaet long wanpla laen loa ofisa husat oli sutim tok long ol olsem oli bin wok long redi-im ol toktok na wok blong kamapim ol giaman toktok egensim tupla ofisa blong Corruption Eradication Agency, or KPK.
Oli no bin nap kisim wanpla toktok ikam long ol.
Despla tingting blong mekim ol despla loa ofisa long lusim wok blong ol i bihaenim ol strongpla tingting nolaik em ol pipal ibin mekim bihaenim despla pasin em ol despla ofisa ibin laik mekim egensim Corruption Eradication Agency, or KPK.
Transparency International itok olsem polis na judiciary istap olsem ol laen blong korapsan stret, na tingting na wok blong stretim na pinisim ol korap pasin emi wanpla gutpla tingting stret.
