Aust: I lonsim anti-trafiking wok wantem Philippines
Updated
Ol gavman blong Australia na Philippine i lonsim oa statim pinis wanpla anti-trafficking project long Manila.
As tingting blong despla projek em blong strongim wok blong kriminal na jastis sistam long Philippines wantem ol wok emi save mekim blong stopim ol daonim ol pasin blong bringim hait ol pipal oa people trafficking.
Niusmeri long Manila Shirley Escalante i ripot olsem Australian Ambassador igo long Philippines Rod Smith itok olsem despla projek bai halvim long givim treining igo long ol polis, ol jas na ol prosecutors long Philippines egensim pipal trafiking.
Oli laik lukim olsem despla projek bai halvim tu long stopim ol kaen pasin nogut blong fosim nating ol pipal long mekim ol wok em oli no laik mekim, pasin blong kisim nating ol pikinini pasin blong sidaon na sanap long ol rot na askim long moni oa kaikai, pasin blong kisim nating ol organs blong ol pipal na tu pasin blong fosim na usim ol pipal long mekim ol pamuk pasin.
Oli bin lonsim tu despla progrem pinis, em kos blong en i kamap moa long 17 million u.s. dollars, long ol narapla kantri blong South East Asia olsem Cambodia, Indonesia na Thailand.
Philippines Interior Secretary Ronaldo Puno itok despla projek bai halvim tru ol wok blong polis na jastis blong stopim ol daonim despla pasin blong pipal trafiking.
