Aust: Mak blong solwara long Western Australia igo antap
Updated
Ol mak blong solwara em Australian National Tidal Centre ibin autim i soim olsem sea level oa mak blong ol solwara long ol nambis blong Western Australia iwok long surik igo antap tupla taem moa winim ol mak em oli kisim long planti hap long wold.
Mak blong ol solwara emi wok long surik igo antap long wold isave go antap tasol long 3 millimetres long wan wan yia.
Tasol ol nupla mak em oli kisim nau, i soim olsem ol sea levels ibin go antap long samting olsem 8-point-6 millimetres long wan wan yia long Perth na 8-point-1 millimetres long Kimberley.
Oposisan tokmeri blong regional development long Western Australia, Alannah MacTiernan itok olsem oli mas skelim na lukluk gut na redi-im moni blong karamapim ol wok blong sea level rise.
Our planning policies have been actually based on the global averages and now that we see from these figures the sea level rise in WA is more than twice that I think we've got to take some urgent action.
